Addatino

Yallaaksa qibaada cakkisittam anee waytaamah sumaaqitaanaah yaminenim muxxok leemih warsa , ama qangarah muxxoxa maggoh tiik teyni kak : tet maqna axiigak is elle tascasseemil taamitak tet iyye numuk islaminna kaak tamqeeh jannat kaak madab yakke , abeh yan uma taamal gira cula way aakirih kak yawqeh .

arbaqiin cadiisik 32haytoh cadiisi : ta cadiis neh warsah yanim isi tobokoytal umane bahtam kaa tazlumem kinni , zulmi caraamu kinni tama cadiis elle warsannal.

inki yallaksa yallitte matan iyyaanamih maqna : Yallaaksa qibaada cakkisittam anee waytaama ,is islaam diinik naharsi makado kinni tet sinnim banaadamti muslimtu yakku maxiqa ama qangara arrabak iyyaanam dubuk muslimtu num mabta , maqna teetik yaaxigeenim faxximta

Islaminnaa kee kay makaadoh baxxaqu. tonnah yallaa kee yallih farmowti elle amrissa haytem abaanam kee usun akak waassa heenimik waasimaanam islaminna kinniimih baxxaqu, tohul tascasseh tan aayatittee kee cadiiswah warsa.

Islam diini duddale diiniy akidiinittek muxxoleh iyya,tonnah yalli isi naqoosah acuyya hee maqaanek muxxuttah tan maqaane kinni, yalli isi naqoosah doore diiniy adduniyaay akeera^maqaane edde tan diini kinni, tama diinil digga iyyaanam jannat sinam culussaah kaa cinaanam, gira sinam culussa.

Yallih inkittiinoh sumaaqitaanam malcina sharti le,too shuruut sinnim naqsi yallih inkittiinoh sumaqitaamah kaak moggolimta, yallih xaqul numuk faxximtam tama qangaral taamaa kee iqtiqhaadah geytimaama

qunxa nifaaqha kak yaanam munafiqhih yan mari abak yen taaamak tu numul geytimtaam imaan qhalbil kaak anuk, tanifaaqha num islaminnak mayayyaqammay imaan kaak boolaasah, yemeggek kaxxa nifaaqhal num culsa

nabah yan shirki numuk taama amoh baysaah islam diinik kaa yayyaaqeeh , girah addal kaa waarisa, tama danbi yalli cabe waa danbi kaal gaceenih akke waytek

qunxah yan shirki kak yaanam kaxxa shirkih fan sinam beyah yan shirki , usuk kulli danbbiy qhuraan kee sunnal shirkil muggaqsimeh iyya, usuk kaxxa shirkih innah diinik sinam mayayyaaqa , laakin danbik nabah yan danbi kinni

naba kufri kak yaanam yallal amine waanamaay imaanak saduh ennattam abaanama , usuk num islam diinik yayyaqeeh , girah addal kaa waarisa, tam kufri mango qaynatah yan

qunxah yan kufri kak yaanam kaxxa kufri fan sinam beyah yan kufri , usuk kulli danbbiy qhuraan kee sunnal kufril muggaqsimeh iyya, usuk kaxxa kufrih innah diinik sinam mayayyaaqa , laakin danbik nabah yan danbi kinni usuk

nabah yan nifaaqha kak yaanam irok islaminna iffoysaanah kufrinna qellisaanama, usuk islam diinik amollih sinam yayyaqeeh , girak aakir aracal sinam culusa, usuk mango qaynatah yan