API
حوكمی چاره‌سه‌كردنی نه‌خۆش ئایا له بنه‌مادا واجبه؟ ئه‌گه‌ر واجب نیه ئه‌ی حوكمه‌ی چیه؟
پۆڵێنه‌كان
Full Description
ئه‌م پرسیاره ئاڕاسته‌ی لیژنه‌ی هه‌میشه‌یی بۆ لێكۆڵێنه‌وه‌ی زانستی و فه‌توادان كراوه :
پرسیار : حوكمی چاره‌سه‌كردنی نه‌خۆش، ئایا له بنه‌مادا چاره‌سه‌ركدنی نه‌خۆش واجبه ؟ ئه‌گه‌ر واجب نیه ئه‌گه‌ر پزیشكێك له‌به‌ر هه‌ر هۆیه‌كی شه‌خصی بێت نه‌شته‌رگه‌ریه‌كی ئه‌نجام نه‌دا بۆ نه‌خۆشێك ئایا گوناهبار ده‌بێت؟ ئه‌گه‌ر پزیشكی تر هه‌بێت یاخود نه‌بێت ؟
وه‌ڵام : سوپاس بۆ خوای گه‌وره ومیهره‌بان، وه درود و صه‌ڵات وسه‌لام له‌سه‌ر محمد المصطفی وئال وبه‌یت ویار ویاوه‌رانی هه‌تا هه‌تایه .
چاره‌سه‌كردنی نه‌خۆش كارێكی مه‌شروع وڕێگا پێدراوه، واجبه له‌سه‌ر پزیشكیش كه چاره‌سه‌ری نه‌خۆشه‌كانی بكات و هه‌موو هه‌وڵێكی له‌و پێناوه‌دا بخاته گه‌ر به ئومێدی ئه‌وه‌ی خوای گه‌وره شیفایان بدات، یان لانی كه‌م ئێش وئازاری سه‌رشانیان سووكتر بكات، ئه‌مه‌ش به‌پشت به‌ستن به كۆمه‌ڵێك به‌ڵگه‌ی گشتی كه له شه‌ریعه‌تی پیرۆزی ئیسلام داكۆكی له‌سه‌ر هاریكاری وبه‌ده‌مه‌وچوونی لێقه‌وماوان ده‌كاته‌وه، ئه‌مه سه‌ره‌ڕای ئه‌وه‌ی كه واجبه له‌سه‌ر پزیشك كاره‌كه‌ی خۆی به جوانترین شێوه ڕاپه‌ڕێنێت، له‌وانه‌ش چاره‌سه‌كردنی ئه‌و نه‌خۆشانه‌ی كه هانای بۆ ده‌به‌ن، وه به‌هیچ شێوه‌یه‌ك دروست نییه ده‌ریان بكات وچاره‌سه‌ریان نه‌كات، یان كه‌مته‌رخه‌می بنوێنێت له‌كاتی چاره‌سه‌كردنیاندا ...
خوای گه‌وره هه‌موو لایه‌ك موه‌فق بكات .
وصلى الله على نبينا محمد وعلى آله وصحبه وسلم .
سه‌رچاوه : فه‌تواكانی لیژنه‌ی هه‌میشه‌یی بۆ لێكۆڵێنه‌وه‌ی زانستی وفه‌توادان
