API
باسی هه‌ركه‌سێك كارێكی چاك یان خراپ ئه‌نجام بدات
پۆڵێنه‌كان
- بیدعه << بیروباوهڕ
Full Description
باسی هه‌ركه‌سێك كارێكی چاك یان خراپ ئه‌نجام بدات
] kurdish – كوردی – كردي [
پشتیوان صابر عزیز
2014 - 1435
باب فيمن سن سنة حسنة أَوْ سيئة
« باللغة الكردية »
بشتيوان صابر عزيز
2014 - 1435
باسی هه‌ركه‌سێك كارێكی چاك یان خراپ ئه‌نجام بدات
خوای گه‌وره ده‌فه‌رموێت:{وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا } [الفرقان :٧٤ ].
واتا: وه که‌سانێکن که ده‌ڵێن ئه‌ی په‌روه‌رد‌گارمان ببه‌خشه پێمان له هاوسه‌ران و نه‌وه‌کانمان (منداڵه‌کانمان) ئه‌وه‌ی چاوانی پێ گه‌ش بێ هۆی دڵخۆشی بێت وه بمانکه به پێشه‌وای پارێزکاران و له خوا ترسان.(ته‌فسیری پوخته‌ی قورئان).
عَنْ جَرِيرِ بْنِ عَبْدِ اللَّهِ (رضي الله عنه) قَالَ: جَاءَ نَاسٌ مِنَ الْأَعْرَابِ إِلَى رَسُولِ اللَّهِ (صلی الله عليه وسلم) عَلَيْهِمُ الصُّوفُ، فَرَأَى سُوءَ حَالِهِمْ قَدْ أَصَابَتْهُمْ حَاجَةٌ، فَحَثَّ النَّاسَ عَلَى الصَّدَقَةِ، فَأَبْطَئُوا عَنْهُ حَتَّى رُئِيَ ذَلِكَ فِي وَجْهِهِ، قَالَ: ثُمَّ إِنَّ رَجُلًا مِنَ الْأَنْصَارِ جَاءَ بِصُرَّةٍ مِنْ وَرِقٍ، ثُمَّ جَاءَ آخَرُ، ثُمَّ تَتَابَعُوا حَتَّى عُرِفَ السُّرُورُ فِي وَجْهِهِ، فَقَالَ رَسُولُ اللَّهِ (صلی الله عليه وسلم): ((مَنْ سَنَّ فِي الْإِسْلَامِ سُنَّةً حَسَنَةً، فَعُمِلَ بِهَا بَعْدَهُ، كُتِبَ لَهُ مِثْلُ أَجْرِ مَنْ عَمِلَ بِهَا، وَلَا يَنْقُصُ مِنْ أُجُورِهِمْ شَيْءٌ. وَمَنْ سَنَّ فِي الْإِسْلَامِ سُنَّةً سَيِّئَةً، فَعُمِلَ بِهَا بَعْدَهُ، كُتِبَ عَلَيْهِ مِثْلُ وِزْرِ مَنْ عَمِلَ بِهَا، وَلَا يَنْقُصُ مِنْ أَوْزَارِهِمْ شَيْءٌ)) [رواه مسلم] .
واتا: (جریر) كوڕی (عبدالله) (خوای لێ ڕازی بێت) وتی: چه‌ند كه‌سێك له عه‌ره‌به بیابان نشینه‌كان هاتنه خزمه‌ت پێغه‌مبه‌ر (صلی الله عليه وسلم) كه جلی خورییان له‌به‌ردابوو، پێغه‌مبه‌ر (صلی الله عليه وسلم) بینی كه حاڵیان باش نییه و هه‌ژار كه‌وتوون، هانی خه‌ڵكیدا له‌سه‌ر خێر كردن، خه‌ڵكه‌كه سستییان كردو، زوو كاره‌كه‌یان ئه‌نجام نه‌دا هه‌تا له ڕوخساری پێغه‌مبه‌ردا (صلی الله عليه وسلم) بێزاری ده‌بینرا، پاشان پیاوێكی ئه‌نصاری توره‌كه‌یه‌كی هێنا كه زیوی تیابوو، پاشان پیاوێكی تر هات پاشان به‌دوای یه‌كدا هاتن هه‌تا خۆشحاڵی له‌ناوچاوانیدا ده‌بینرا و فه‌رمووی: (هه‌ر كه‌سێك له ئیسلامدا كار به سونه‌تێك بكات وله دوای خۆی په‌یڕه‌وی بكرێت، ئه‌وا پاداشتی ئه‌وانه‌ی ده‌ست ده‌كه‌وێت كه په‌یڕه‌وی ده‌كه‌ن، بێئه‌وه‌ی پاداشتی ئه‌وان كه‌م ببێته‌وه، هه‌ركه‌سێكیش كارێكی خراپ دابهێنێت كه‌وا به پێچه‌وانه‌ی شه‌رع بێت وپاش خۆی په‌یڕه‌وی بكرێت ئه‌وا تاوانی هه‌موو ئه‌وانه‌ی له‌سه‌ره كه په‌یڕه‌وی ده‌كه‌ن بێئه‌وه‌ی له گوناهی ئه‌وان كه‌م بكاته‌وه).
ڕاڤه وروونكردنه‌وه:
1- گه‌وره‌یی پاداشت له‌م فه‌رمووده‌یه‌دا هه‌ڵقوڵاوه له خۆشه‌ویستی ئاینی پیرۆزی ئیسلام بۆ ئه‌نجامدانی كاری باش وچاك وبڵاوكردنه‌وه‌ی له ناو خه‌ڵكیدا، وه ڕق بوونه‌وه له كاری خراپ و هه‌وڵدان بۆ له‌ناوبردنی ونه‌هێشتنی.
2- هاندان بۆ ئه‌نجامدانی كاری چاكه، بۆیه هه‌ر كه‌سێك سونه‌تێك زیندوو بكاته‌وه یان ده‌ست به كارێكی چاك بكات كه‌وا پێشتر كه‌س نه‌یكردبێ وخه‌ڵكی چاوی لێ بكه‌ن، ئه‌وه به قه‌د هه‌موو ئه‌وانه‌ی كاری پێده‌كه‌ن پاداشتی ده‌گات، ئه‌ی ده‌بێت چه‌نده خێرت بگات كاتێك داهێنانێكت هه‌بێت كه‌وا به پێی شه‌رع بێت به ملیۆنه‌ها خه‌ڵك سودی لێ ببینێت.
3- ئاگادار كردنه‌وه له ڕێگه‌ی گومڕایی وئه‌نجامدانی كاری خراپ، بۆیه هه‌ر كه‌سێك له ئیسلامدا كارێكی خراپ یان (بیدعه)یه‌ك دابهێنێت، ئه‌وه جگه له تاوانی خۆی، تاوانی ئه‌و كه‌سانه‌یش كه له دوای ئه‌م جێبه‌جێیان كردووه هه‌ڵئه‌گرێت، به بێ ئه‌وه‌ی هیچ تاوانێك له‌ودا كه‌م ببێته‌وه.
داواكارم له خوای گه‌وره ڕێنموییمان بكات بۆ ئه‌نجامدانی كاری چاكه و‌دوورمان بخاته‌وه له كاری خراپه.
