ئىسلام كەلىمىسىنىڭ مەنىسى

ئىسلام كەلىمىسىنىڭ مەنىسى

معنى كلمة الإسلام

< ئۇيغۇرچە >

پەزىلەتلىك شەيخ مۇھەممەد سالىھ ئەلمۇنەججىد

فضيلة الشيخ محمد صالح المنجد

—™

تەرجىمە قىلغۇچى: سەيپىددىن ئەبۇ ئابدۇلئەزىز

تەكشۈرۈپ بېكىتكۈچى: نىزامىددىن تەمكىنى

ترجمة: سيف الدين أبو عبد العزيز

مراجعة: نظام الدين تمكيني

ئىسلام كەلىمىسىنىڭ مەنىسى

10446-نومۇرلۇق سوئال

سوئال:

ئىسلام دېگەن سۆزنىڭ مەنىسى نېمە؟، بۇ ھەقتە چۈشەنچە بېرىشىڭلارنى ئۈمىد قىلىمەن.

جاۋاپ:

بارلىق گۈزەل مەدھىيىلەر ئالەملەرنىڭ پەرۋەردىگارى بولغان ئاللاھ تائالاغا خاستۇر.

لۇغەت ۋە قامۇسلارغا قارىسىڭىز ئىسلام دېگەن سۆزنىڭ مەنىسىنى بىلىپ يىتىسىز.

ئىسلام كەلىمىسى: بويسۇنۇش، باش ئېگىش، تەسلىم بولۇش، بۇيرۇغۇچىنىڭ ئەمرىگە بويسۇنۇش، چەكلىگەن ئىشلىرىدىن ئېتىرازسىز يېنىش، ئىبادەتنى ئىخلاس بىلەن ئاللاھ تائالا ئۈچۈن خالىس قىلىش، (قۇرئان ۋە سەھىھ ھەدىسلەر ئارقىلىق) بەرگەن خەۋەرلىرىنى تەستىقلاش، ۋە ئۇنىڭغا ئىشىنىش قاتارلىقلاردىن ئىبارەت ئۇقۇملارنى بىرىدۇ. شۇنداقلا، ئىسلام سۆزى پەيغەمبىرىمىز مۇھەممەد ئەلەيھىسسالام ئاللاھ تەرىپىدىن ئىلىپ كەلگەن دىننىڭ بەلگىسىدۇر.

نېمە ئۈچۈن دىن "ئىسلام" دەپ ئاتىلىدۇ؟ دېيىلسە، يەر شارىدا بار بولغان بارلىق دىنلارنىڭ ھەممىسى مەلۇم بىر شەخسكە نىسبەت بېرىلسۇن ياكى مەلۇم بىر ئۈممەتكە نىسبەت بېرىلسۇن ئوخشاشلا ئۆز ئىسىملىرى بىلەن ئاتىلىدۇ. مەسىلەن: ناسارا دىنىنىڭ (خرىستىئان دىنى) ئاتىلىشى ناسارا دېگەن سۆزدىن ئىلىنغان. بۇددىست (بوزې) دىننىڭ ئاتىلىشى ئۇ دىننى ئوتتۇرىغا قويغۇچى (بوزا)نىڭ ئىسمى بىلەن ئاتالغان. زەردۇشت دىنى زەرادەشتىيە دېگەن ئىسىم بىلەن مەشھۇر بولغان بولۇپ، بۇ دىننى قۇرغۇچى ۋە ئۇنىڭ بايرىقىنى كۆتۈرگۈچىگە نىسبەت بىرىلگەن. شۇنىڭدەك يەھۇدىي دىنىمۇ بەنى ئىسرائىل قەبىلىلىرى ئارىسىدىكى يەھۇزا قەبىلىسىدىن ئاشكارا بولغان بولۇپ، يەھۇدىيە ئىسمى بىلەن ئاتالغان. ئەمما ئىسلام دىنى بولسا مەلۇم بىر شەخسكە ياكى مەلۇم بىر ئۈممەتكە نىسبەت بېرىلمەستىن بەلكى بۇ سۆز "ئىسلام" كەلىمىسىنىڭ مەنىسىنى ئۆز ئىچىگە ئالغان خاس سۈپەتنى بىلدۈرىدۇ. بۇ ئىسىمدىن شۇ ئاشكارا بولىدۇكى، ئىسلام دىنى مەلۇم بىرەر كىشى تەرىپىدىن تەسىس قىلىنمىغانلىقى ياكى ئىنسانىيەت ئارىسىدىن مەلۇم بىرەر ئۈممەت ئۈچۈن خاس ئەمەسلىكى بەلكى بۇ سۆزنىڭ ئاخىرىقى چېكى زېمىندىكى بارلىق ئىنسانلارنىڭ ئىسلام دېگەن سۈپەت بىلەن زىننەتلىنىشىنى تەقەززا قىلىدۇ. مانا بۇ سۈپەت بىلەن سۈپەتلەنگەن ھەر بىر ئىنسان مەيلى ئىلگىرى ئۆتكەن بولسۇن ياكى ياشاۋاتقان بولسۇن مۇسۇلمان دېگەن ئىسىم بىلەن شەرەپلەندۇرۇلىدۇ. شۇنىڭدەك مەزكۇر سۈپەت بىلەن زىننەتلەنگەن ھەر بىر كىشى كەلگۈسىدىمۇ مۇسۇلمان دەپ ئاتىلىدۇ.

ئاللاھ ھەممىدىن ياخشى بىلگۈچىدۇر.

[د. مۇھەممەد بىن ئابدۇللاھ بىن سالىھ ئەسسۇھەيمنىڭ:"ئىسلام ئۇنىڭ ئاساسى ۋە باشلىنىشى" دېگەن كىتابىدىن ئىلىندى].